dreamfly * 淘金北* 僑小廣附* 請加入廣州海龜商會MSN群~ group580819@msnzone.cn

介紹邊件貨係個主持自己揀嘅~~  日本原裝入口果D，佢就無介紹到...
我想個主持講下獨家代理嘅音樂盒同埋護膚品，果D一睇就係靚嘢，可惜佢地果次凈係做飾品類~~ 

近派走左去玩開心網，果度好玩在可以乜都寫一餐，又可以同人打牙骹，自己都系果度同埋facebook整左淘金群，海龜商會群，都系想認識D自己想認識嘅人遮，總之我想搵到人盡快做大盤生意佢，只要資源夠，我可以個個星期都系香港搵到明星過來整活動，宜家就系想搵partner系天河城開多間專賣店。 我宜家已經系世貿，下一步一定系天河城， 再下一步系太古匯。  另外就系上海，北京，已經有人來問過，不過暫時冇下文~~    不過講真，要唔少錢，有咁嘅能力和資源嘅人，真系....

anyway, 將系果邊寫嘅嘢系呢邊做個backup lar~~   持續增加ing~~

=============================
01.[廣州]你住系廣州邊度附近？
我系淘金北....

02.[廣州]你小學讀邊間？
華僑新村既僑小，宜家變左做外國語學校。

03.[廣州]你中學讀公立學校仲系私校，國際學校嘎？
我讀公立學校，廣附.. 好想自己係讀私校啊~~ 重要既係果個同學網絡，讀得私校嘅，多數屋企本身就有盤生意吖嘛~~

私校,國際學校遮..  瑪莎，英豪，華美，南洋，祈福... etc.. 果D咯.
係珠三角地區，最勁嘅當然係羅寶文讀果間香港國際學校(HKIS).

04.[廣州]你之前系去外國邊度讀書或移民嘎？
我之前系要移民去toronto，不過最后都系系廣州學做生意先~~

05.[廣州]你宜家做咩嘎？
我代理左個香港牌子，系世貿商場開左間專賣店，宜家揾緊partner想係天河城開多間，仲有以后嘅其他甲級商場，同埋其他生意。

06.[廣州]你屋企做咩生意嘎？
無啊，我屋企無做生意，係普通既讀書人中產家庭，我係異類，由幼稚園開始就已經係一定要做老板嘅。

07.[廣州]你炒過樓或者股票未？
umm.. 我宜家仲有間放緊租。股票就更加唔使講啦。

08.[廣州]你揸咩車嘎？
我宜家無揸車啊。以前都無乜揸屋企嘅車，最多係系祈福做左7日車夫。

09.[廣州]你有無去過麓湖打golf?
以前成日去麓湖練習場咯。 開左專賣店之后就冇乜啦。

10.[廣州]你多數係邊度出沒啊？
以前就係淘金北，龍口西，祈福
宜家就係淘金北，世貿，花園酒店，環市東，祈福好耐都無去咯。

11.[廣州]你平時睇咩報紙，雜志？
蘋果日報，信報，SCMP，壹周刊，飲食男女，信報月刊，Financial Times，Wall Street Journal，不過宜家好多雜志同報紙都睇唔到啦，內地係咁無奈....  所以英文已經唔識咁滯啦。

12.[廣州]你中意睇咩電視？
TVB Pearl, Bloomberg Television, cnn, discovery channel，宜家都好多channel都睇唔到，原因同報紙，雜志一樣。

13.[廣州]你中意睇邊個既專欄？
陶傑，左丁山(條友文筆嘛嘛，不過成日講中環同馬會既野)，林行止，蔡東濠，畢老林，施永青，楊懷康，錢志健。

14.[廣州]你有咩志向和抱負啊？
無乜啊，想可以快D整到個現金流機器，令自己可以咩都唔做都仲有車有樓，有體面既生活，之后再睇睇有無機會做到big deals, 等錢不再係問題之后，想改變社會。

15.[廣州]你欣賞點樣既異性？
我欣賞咁樣既女仔咯~
a. 未拍過拖係因為條件好，要求高
b. 岀身于中産讀書人傢庭，知書識禮，傢教好，有品味
c. 聰明，有獨立思考能力，對社會和世界有睇法和抱負
d. 唔會show off，自信但不自大，對自己所擁有既會感恩
e. 該理性則理性，該感性則感性，do the right things at the right time.
f. 有正確既價值觀，生活精致但不奢華
g. 唔需要打工，個人經濟獨立

總之系對愛情有要求嘅女仔值得欣賞，雖然交游廣闊，系風頭躉，多人追，不過就唔會輕易去愛，但一愛就要系真愛，而且唔系講世俗果D虛無嘅條件，因為佢自己已經有能力瀟灑咁生活，咁嘅女仔，先至有資格要對方最好咁錫佢.

我知係唔容易揾既啦，同埋好難再揾到好似之前咁肯做阿四服侍我既太子女咯。不過要講真心嘅係要咁喔~

世界係唔完美既，但最煩就係D女既明知唔完美，仲要講真愛，講真愛? 得，不過我既條件就係上邊講果D，大家都系無奈遮，何必呢....

冇辦法嘛~~ 真愛和婚姻都係奢侈品~

所以都係自己好耐之前講既，現實就係唯有揾D好似自己咁要求完美，有返咁上下，又互相欣賞既女仔，都仲可以互相挑剔，咁就保持好過好朋友，但又未去到結婚就得啦，最好有好幾個啦... haha.. 咁就今日揾呢個，聽日揾果個... wakaka~~

16.[廣州]你覺得你會同邊D人好傾？
屋企有盤生意既人
出去讀書既人
讀國際學校，私校既人
自己做老細既人
會獨立思考，有抱負既人
同自己成長背景，家庭背景差不多既人

17.[廣州]你有咩難忘既事情？
攞左visa但最后都決定唔移民，唔出國住，留左係廣州先~
全部靠自己嘅能力攞左個香港牌子既代理
再來當然係開設自己間專賣店，的確唔係太容易，不過都做到，個中辛苦真係全部自己做過先至知。當然，呢個凈係開始，更困難嘅仲係后邊。

18.[廣州]你宜家開唔開心？
no lar, 因為認識唔到自己想認識既人，仲未完全做到自己想做既事，so.....

19.[廣州]你覺得要點樣先至可以得到其他人發自內心既尊敬？
想得到別人發自內心嘅respect唔係因為妳係乜乜物物,而係因為妳個人嘅mind,brain,thinking methodology... 呢D respect係要個人自己去earn嘅,任何其他天生或非通過自己努力而得到嘅advantage都唔會對此有任何幫助.

20.[廣州]你蒲唔蒲嘎？
睇邊種蒲咯，因為宜家呢個動詞嘅定義唔系咁明確。

去D行會員制嘅高級lounge club，一杯起，兩杯至，同D知心好友暢談天下事，煮酒論英雄果D就無問題。

如果系報紙娛樂版，風月版果D蒲就唔會咯。男人去得蒲場既，都係想揾女去發泄生理需求遮，不過我就唔去蒲~~  唔係唔想要女色，係因為蒲場D女，唔慌係咩好女仔啦，大多數都係公車，萬能插，好可能有病同埋會吸毒，仲好容易惹到麻煩....  so...