住淘金，可以選擇嘅食肆唔多，凈係想飽肚嘅，就係得果兩間茶餐廳，一個人，叫唔到咩餸，就唯有食碟頭飯。而質素好過"飽肚遮"咁樣要求嘅，食來食去都係果幾間，沸騰漁鄉，金苑(鞔車邊)，潮濠，利苑，其他嘅，鹿鳴仲係國企作風，正大方圓廣告就賣得多，白云仙館都麻麻而且好似搬左，麓湖高爾夫會所仲係私人會所，再加上呢幾間又唔太就腳，所以係得果幾間。

當然，味道係好個人嘅，One Man's Meat, Another Man's Poison，味道係由味蕾先感應再傳到大腦，味蕾敏感度唔同，大腦唔同，自然就會對同一種味道而有唔同嘅評價。所以講味道，很多時候只能取最大公約數，就算香港嘅食肆，雖然每期<飲食男女>都會介紹唔少，不過由于媒體進入 placement marketing 嘅 soft sell 時代( internet 就更加啦), 所以最終都係果幾間食肆有保證，當然代價就係價錢唔平。

同一道理，上邊所提及嘅果幾間，價錢都唔算平，因為都系自己俾，下下食，條數都好襟计，所以想話問下呢幾間食肆有無會員卡申請，宜家 CPI 咁高，起碼可以幫補多少，具體係點申請，請各位不吝賜教。 當然再加埋其他心得就更好。

 

當然，要其他人提供資料，咁就要先拋磚引玉先。

 

例如最就腳嘅沸騰漁鄉，問過幾次，都有唔同嘅版本，可見其管理都係嘛嘛，不過都寫出來啦。其他就等各位補充。

沸騰漁鄉:
1. 好似無得累計消費積分而申請到會員卡。
2. 好似已經無直接申請會員卡。
3. 不過用工行信用卡有得9折。

hints

1. free parking

2. 位于大堂東側嘅位，由于光線，靠近風口及魚缸等原因，對環境奄尖聲悶者，情愿再等位。

3. 注意菜牌，有時候同一樣嘢，會有唔同價格（唔係做特價），所以落單，埋單時，check清D好D. 詳見下圖嘅排骨。   

 

 

最后，貼幾張沸騰漁鄉點心嘅相。貪方便用手機影嘅，將就住睇下，唔好咁挑剔啦，請多多包涵。大家一睇就知係咩啦，就唔再加caption.

    

      呢個法蘭西餐包幾好，祈福舊會所嘅都唔錯。

 

 

 

 

 

整多張陸羽茶室嘅點心紙啦~~  幾時去呢度飲早茶啊~~