好恐怖遮.. 咁都會引起信報嘅人註意???

 我係有將信報嘅某D專欄文章post係呢度，不過都註明曬岀處同版權屬于原作者喇，又無涉及商業利益...

 睇睇個老細嘅background... 好想自己週圍有幾十,上百個咁嘅朋友，同咁樣background嘅人做生意都放心D喇。

 我好想就係將香港呢類人嘅個人生意整來廣州，可惜佢盤生意係做食，因為食就太多其他東西要攷慮。。

 不過睇佢盤數，生意額應該仲有增長嘅潛力，起碼應該有50% growth，不過佢個毛利的確高于平均水平..

 得閑去食下先至得............

全部都係今日係財經專欄度睇到嘅。 順便寫下自己嘅想法喇...

1. 財技

財技就係學嘅遮，case study多左之后就整幾個combination，再加少少creative嘅野，例如最流行嘅綽頭之類嘅野.. 呢個係做deal最基本嘅野。

下一步呢，就要同D big4嘅"靚"女單身大長今會計師搞好關繫，送名牌? 哇，乜咁low class嘎，呢D單身大長今分分鍾有幾個名牌百貨店嘅VIP卡，加埋其他卡，分分鍾可以夠攞來鋤D添。呢度嘅策略應該係攻心為上，單身大長今呢，揹景同成長歷程多數都係自小讀書好勤奮，對事情越無個人意見就成績越好，剛好女性嘅天性就係順從，so.. 跟住呢,又去左美國或者英國畱學，通過埋D專業試，跟住又努力進入D大公司，整到咁上下，安定下來后，就成左單身大長今喇。  所以就要從其弱點進攻，例如美男計就係好好嘅方法，當然唔係果D賣樣嘅男喇，係要會講地道紐約,倫敦口音嘅英文，會比較法國同美國加洲紅酒嘅優劣(唔需要去到從化學同生物角度來到討論點解6個水份子包圍住1個酒精份子嘅酒係最香醇嘅呢...)，又熟讀外國文學，岀口都係引經據典，科學，文學，歷史，哲學都可以隨時討論幾個鍾，又喜歡刺激嘅out door sports，身高有返178cm，再加上歐洲跑車，有幾層豪宅係手，屋企係儒商傢庭揹景，咁妳話單身大長今會唔會嗒糖呢？世間女人皆虛榮,睇虛榮程度去到邊嘅遮..... 有無咁完美嘅男士？ 美男計之嘛，無就整岀來咯，有用期限內唔穿煲就得喇....

另外一方靣呢，就係要同D可以影響董事投票嘅人打好關繫喇，例如D分析員，CFO，信貸部主管，總之就係相關人士喇，當然，后邊仲有好多利益集團同關繫嘅。 呢D人多數係男人，咁就要落club喇，當然唔係果D紋身金毛飛去嘅club喇，係私竇，鐵竇，入邊嘅野呢，就唔曬多講喇，必要時候可以畱下一份video copy，當然，不到迫不得已嘅時候都唔用喇。

好，整靚盤數，搞掂D人之后，應該呃得到D股東, 投資者，債權人或者將要接手嘅果個財團喇，唔係唔係，講錯左添，應該係應該可以引導大傢唔好睇現在，應該睇業務將來長遠嘅發展，風水佬就呃妳十年八年遮，做生意唔會嘅嘛... 到時候唔係咁啊，唔好意思喇，咁世界上嘅野，無可能預測到嘅嘛，變化始終快過計劃嘅嘛，呢個時候都要認下低威嘅，唔緊要嘅，橫掂都已經係高位配股或者減持賺到筆咯.. 

以上純屬虛搆 ，如有雷同，實屬社會不倖.

2.世代不公平

世代不公平就係世代不公平， 無乜好講。

消極來講，要識得投胎，不過無人可以控製到呢樣。 

如果真係負責嘅父母應該係確認自己有能力畀下一代無任何世代不公平嘅包袱之后先至攷慮有下一代。 但係社會實際情況就唔係咁，所以社會越來越沉淪....

3.上位

為左擺脫岀身低下層而努力上位，想擺脫世代不公平嘅包袱，無可厚非，甚至呢個係社會進步嘅原動力，不過現實中嘅實際情況就係，要上位就要習慣obey the rules, 從讀書開始就要咁，越少獨立思攷能力越好，好lucky咁捱到有實權之后就將上位以來所有嘅冤屈氣都用所擁有嘅權利來發洩岀去，咁好多野就唔岀奇。

其實呢D野都不需要講太多啦，一句講曬，現實世界是醜陋的，人性本惡。

==========================================

版權屬于原作者..

==========================================

信報財經新聞 國金外望  方卓如 2006-07-12

你貴姓？ 
 
　　電盈（008）那張公告，要今早才可以一窺全豹，令我昨天未能夠率先為大家分析。不過，反而讓我可以讀過全港報道後，再作補充評論，焉知非福。

＊　　　　　　＊　　　　　　＊

　　大部分報紙都有為李察計數，說他六年來空手道賺百億，財技了得。但不要忘記，這百億並非純粹獎勵財技，還有一連串客觀因素，缺一不可。單靠財技，中環一個招牌跌下來，隨時壓死兩打財技高手，又唔見個個都有過百億身家？

　　當年李察用數碼港發展權注入得信佳，換取控股權。你有否本事叫政府毋須投標，獨家批地讓你起一個數碼港？事後各大地產商開口反對，政府要解畫並非利益輸送。如此千載難逢之機會，空前絕後，李察要再做一次都冇可能，何況你？

　　到收購香港電訊，做一單超級LBO，又是另一項高難度動作。LBO十分多人識做，但有本事做同等leverage同等scale的，你姓甚名誰都相當緊要，銀行畢竟並非開善堂，若非網通（906）肯入股二成，電盈還是負資產。可想而知，這單LBO，leverage得何等程度。

　　最後要exit脫手，我一早說過是要打眼色叫人出手接貨，不用自己找。這種高風險高投資低回報競爭激烈受監管的行業，肯接貨的五隻手指數得出，只須大大聲事先張揚，一個月未到，已經可以簽conditional SPA。財技都只不過教你計數賺價，但有本事無懼中央話賣就賣，你得咩？

　　所以，與其計算李察空手道之本領，倒不如學習，有什麽是佢得你唔得。

＊　　　　　　＊　　　　　　＊

　　盈拓是新加坡上市公司，都應該睇睇李察在這家公司又使出什麽財技。盈拓在這單交易賺近一百億港紙，每股純利上升一百二十倍。但缺少了電盈這主要盈利來源，以後要靠梁伯韜那一年近一億坡紙的利息，剛好填補失去電盈的盈利。換言之，盈拓保持盈利水平，但資產負債表由負變正，執番靚晒，這招連消帶打，你有排學。

　　不過，就算你學懂，都用不上，你個姓唔得。

http://fongcheukyu.blogspot.com

------------------------------------------------------------

信報財經新聞 原是物語 孔少林 2006-07-12

心碎而死

　　英隆前主席李萊突然心臟病發逝世，享年六十四歲。李萊家人透露他心臟健康一直良好，因此他的死完全是意料之外。我以為在愛情小說才會有「心碎而死」這虛構的死因，原來在商業世界也會出現。

　　六個星期前，因英隆倒閉起訴李萊的審訊結束，陪審團裁定他詐騙等多項罪名成立，法庭原定今年10月宣判刑期。李萊的噩夢已持續了五年；英隆在2001年倒閉，過去幾年被認定詐騙和貪婪的李萊，成為全球商界頭號公敵，從高處跌落深淵，他這幾年的日子一定不好過。從英隆醜聞爆發，李萊堅持自己無辜，審訊期間表現出自己也是受害者，絕不是犯事者。他的死因明顯不過，是長期憂慮，最後「心碎而死」。

　　犯過罪的人應得到改過自新的機會，特別是白領案件，因為白領罪犯大都聰明過人。假如他們願意把天賦投放在貢獻社會上，大眾多能得益，就好像「垃圾債券」大王米爾肯（Mike Milken）出獄後成為著名慈善家，為醫學界出了不少力。可是李萊「翻身」機會相對較微，一來他已六十多歲，法律專家預計他的刑期不會短；二來英隆案件案情太複雜，影響太深，牽連太廣。

　　人已死，傳媒日後對李萊的評價應該不致太苛刻，相信將環繞着李萊出身寒微、憑努力和創意創立英隆，最後英隆因假賬醜聞倒閉；簡單來說，李萊窮過、威風過、跌低過。可能有人認為李萊因心臟病發死亡，太「便宜」了他。他是在科羅拉多州Aspen高檔滑雪度假別墅中去世，據聞過程無甚痛楚。他未嘗過牢獄之苦，在法律眼中，他是惡貫滿盈。由於李萊正在上訴，法律專家指出，被告在上訴期間去世，這宗官司技術上未有判決。嚴格上，李萊是以清白之身走下黃泉。

　　在極速資訊年代，即使李萊出獄後退隱天水圍，也無法遁形，街坊仍會談論這導致幾千人失業、幾千億財富蒸發的黑手。李萊在步向牢獄途中，想到自己餘生已無「翻身」機會，身體替他作出抉擇，「心碎而死」。

個個星期都好期待呢個專欄， 呢個專欄就全部講好多高檔野，睇呢D專欄真係少D通識都唔得........

=====================================

信報財經新聞  
 
求知者周記  曹超人 2006-07-08 

西裝友變中環舒密加 
 
　　7月7日，周五。恒指今周升192.16，收16459.78。歡樂嘅時光過得特別快，世界盃又就快同球迷忍着淚說骨拜，睇怕股市再冇藉口話世盃搞到股蟻無心戀戰兼無心睡眠而導致交投靜過靜心口服液。之不過，例牌出現的盃後抑鬱症怕且又會隨住法蘭西對長靴國吹完場雞而在社區爆發（好似四強之後隔幾晚先有波睇，已搞到一眾凌晨三點無啦啦扎醒中世盃毒癮甚深的道友輾轉反側表情似狒狒），同時為將來再冇機會聽到阿叔講哥倫比亞對羅馬里奧（實情是九四世盃分組賽哥倫比亞對羅馬尼亞）而感到失落無限。況且，英格蘭焦急聯賽（焦急，事關踢法體力化兼快上快落也）又未開鑼，自不然會悶到天地不容人神共憤（但足球寡婦卻開始開香檳慶祝終於度過三周零八日的淪陷）。於是乎，實在要搵番些少細藝來頂住癮先，就好似冇得食四號海洛英都飲番些少美沙酮一樣。而打遊戲機對不少人來講，絕對是最佳公餘節目，由當年玩紅白機打俄羅斯方塊、孖寶兄弟、泡泡龍，再到今時今日微軟Xbox同新力PS3拗手瓜，可見遊戲機呢門創意工業絕對比賣龍鬚糖有孖屐也。　

　歌神唱得好，人其實天生奔放貪玩，原沒有拘束只有笑顏，事關世上有不少杰兜（Kidult），即是大唔透熟唔晒的成年人，好似教改總舵主阿瑟王亦不忘在垃圾會一邊當代議士唱歌（當然至卡食者是供完會福祿壽三星之一王國輕清唱一曲《半斤八両》，道盡民間疾苦），一邊一心二用打機，可謂遊戲時工作，工作時遊戲的最佳人辦。而自從 GameBoy面世後，手提遊戲機又大受歡迎，搞到唔溫功課而掛住踢波的學生哥亦學老曹話齋有智慧不如趁勢，寧願唔食飯唔抽閃卡都要死慳死抵儲蚊年買部 PSP或者NDS傍身，家陣就連手機亦可打機，搞到機竇就同小型證券行一樣愈做愈艱難。況且，對於一身戰衣、鍾意在國金外望維港的方卓如式中環英雄來講，走入烏煙瘴氣的機竇始終對唔住身上套阿曼尼，更冇理由拎住成棟一蚊銀同金毛強跟隊打灣岸或者頭文字D。

　　既然機竇有分成人場同兒童場，就冇理由冇得分開金毛場同行政人員場，所以我小曹就一於打聽H埠有冇此類高檔機竇兼蛇竇。據茶客甲講，蘭桂坊（原名爛鬼坊）附近有一間專為首席執行官、賓架、籮友、芬佬同管數佬而設的機舖，絕對不同一般茶色玻璃、烏煙瘴氣、嘈喧巴閉的機竇，兼且可讓呢班平日工作壓力大過壓力煲而又積埋積埋未解決的專才，在此歡度快樂時光，而毋須同成身畫滿龍虎豹的油尖旺男子組為伍。之不過，雖則呢間行政人員機舖位於H埠金融心臟的中環，但其所在地講真亦相當山卡罅兼唔易搵，絕對符合做蛇竇的條件。更甚者，我小曹選擇在黃雨的一天出發，一路沿住濕漉漉的爛鬼坊斜路上山，一個不小心就好似學玩拱橋玩到曉用心口停波的彭丹一樣表演E字馬，好在我小曹雙腳甚至個褲襠都仲頂得住，未使做爆呔曾。驚魂未定之際，忽然見到爛鬼坊教父兼海馬公園揸弗人、假猜呢士盛公傾住電話向我小曹迎面而來，佢又一個唔好彩差D在樓梯仆親，但未至於重演鐵娘子在人民大禮堂低低地「慣」一鋪的經典場面，盛公唯有笑騎騎對住我小曹，實行以笑遮醜，以為笑一笑世界更美妙，在極之尷尬的環境下響應腍柿祥號召。

　　言歸正傳，千辛萬苦，攀山涉水，十足十孤獨的吹簫員所謂的「雄關漫道真如鐵，而今邁步重頭越」，終於到達以前專收押QDII（合格境內非法入境者）的域多利監獄後面的贊善里，亦即行政人員機舖所在地，舖頭名寫住Sideways Driving Club，打正旗號打賽車遊戲。舖頭由日耳曼老闆Carsten Widderich所開，佢話自己有個猜呢士名字叫韋嘉燊（嘉燊加薪，呢個名算係咁）。韋哥見我小曹散發出萬水千山只得閒的氣勢，即刻邀我入去玩番轉。入到去一望，直情覺得好似走入賽車博物館，場內放滿十三架烈火戰車，牆身掛了幾部等離子大電視，一邊就擺放不少賽車模型，仲有一個書櫃擺滿賽車參考書，而中間就有一張小型吧枱招呼來賓。置身這種環境，就連富貴黨的占士田恐怕都會變荷里活的占士甸。

　　韋哥同我小曹先閒話家常，佢話唔想客仔大駕光臨會覺得呢度十足十機竇咁低檔次，而希望包裝成一間駕駛俱樂部，令幫襯的行政人員親身感受一下揸方程式賽車頭搖又尾擺的刺激同快感。韋哥又話H埠好多職業賽車手都經常到此一遊，事關H埠好難可以用真車練習，好似曾贏過波子亞洲盃馬交站冠軍的歐陽若曦，同埋 2004年波子亞洲盃冠軍馬依思（Matthew Marsh，我小曹對馬依思這個譯名相當熟悉，事關我幫襯開、成日叫我炖鹿尾巴的中醫師又係叫馬醫師），都是韋哥的熟客仔兼老死，有時仲吸引到一班國泰（293）同港龍飛機師到此鍊車，莫非長年在天空對住一舊舊雲悶親？

金融界尖子揸方程式減壓

　　除職業車手同空中飛人外，由於呢度就近中環，一班平時身穿阿曼尼、手戴江斯丹頓的金融界尖子就更是俱樂部常客；但韋哥話，為保障佢地的私隱，所以其身份就要賣個關子，更勸我小曹無謂偷聽佢傾電話截取通訊。而對一班壓力大過巴士阿叔幾萬倍的生意人來講，打機自然可宣洩壓力，加上此處賽車設備同真正一級方程式差無幾，而賽道又同格蘭披治比賽一模一樣，玩家大可在虛擬世界中扮中環舒密加，同隔籬線位的對手講：「見到尾燈當你贏」。咁講法，一班中環英雄有頭有面，平日呼風喚雨，一聲令下就做到成棚人四腳爬爬，輸了的話豈非冇晒飛士，半夜扎醒走入廁所對住塊鏡邊喊邊唱「獨自在山坡，高處未算高，命運在冷笑，暗示前無路」？韋哥就笑笑口話，鬥車同投資一樣有贏有輸，輸了當然會唔乃奇，但頂多只會互相頂嘴諷刺一下，事關好多都是識用袖口鈕的斯文人，不至於開片收場，不少最後仲不打不相識，變成飲大兩杯就大大聲講有你有我但願同年同月同日死的老死。

　　韋哥講完一大輪，令我小曹當堂蠢蠢欲試，而佢亦好熱情招呼我去跑番轉，我就當然二話不說，即刻除低對鞋跳入駕駛艙，戴埋耳筒準備就緒。順帶一提，事關玩家都戴起耳筒，所以絕不似普通機竇分貝高過有個地盤佬在你身邊開風鑽一樣，就算打機途中忽然有大客撥個輪嚟傾刁都冇問題。我小曹為免破盡全場史上最慢紀錄，於是就在二百條賽道中揀一條比較衣時的奧地利格蘭披治賽道，貪其少彎又多大直路，以我小曹縱橫機竇十幾年的經驗，心諗應該冇難度。我小曹望住個三十二吋大屏幕，耳邊響起超級立體引擎聲，但因為瞓低的關係，加上身形一向都有小小問題，就較難踩到地板油。韋哥話玩一級方程式賽車最快可去到時速三百三十畸佬，而我就一於有理無理踩上兩舊，諗住可見人過人見車過車，人擋殺人佛擋殺佛，學似藤原拓海掟個極速飄移靚彎，但爬頭時竟一個唔小心同人地架車炒埋一碟……，如是者，就玩到支分針轉足一個圈。

　　一般機竇幫襯者多是金毛毒男，但韋哥就單起隻眼叫我小曹多D幫襯，事關呢度間中有不少單身大長今約齊三五知己一齊上嚟鍊車，更佔客人總數三十巴仙左右，分分鐘令我結識到愛瑪仕小姐，成功機會比打173-173徵友熱線搵蘭茜、露茜、袁茜或者刊登《Yes!》「眾裏尋他」大得多。而韋哥觀察過一班單身大長今的揸車風格，就話女士揸車較有耐性，鍊車時好少會變炒家炒埋一碟，所以男女混合賽有時都由女車手勝出。

　　如此遠離大街大巷又揩卡士的機舖，我小曹都是第一次見識到。於是我就諗，若可在此開個派對就一級棒。韋哥就話，除街客外，佢地家陣有一半客人來自企業客，包括寶馬、波子同不少跨國企業都會在此搞搞芬唇招待客戶，而據聞油公司美孚無比亦會在此透過賽車遊戲訓練員工，培養佢地的團隊精神同歸屬感（看來佘當奴也是時候帶班親上加親的代議士到此玩玩矣）。當有公司在此包場的話，韋哥話會根據公司性質同參加人數而度身訂做不同難度的賽道，令其「奔」至如歸。正因如此，所以收費會包埋顧問費，而顧問費的銀碼就幾似鯉魚門海鮮價。不過，一般來講，如果芬唇大約有二十人參加，兩粒鐘計大概收費二萬元，其中更連埋斟茶遞水同韋哥吹番幾嘴。

　　雖則可在此大搞私人派對，但好有性格的韋哥就強調，此地乃係賽車俱樂部，所以如果純粹租場，搞埋晒D無厘啦肺活動（例如聞見亂十四周年慶典），又或者打算利用呢度的大電視直播世界盃的話，就一概免問。韋哥仲得戚到眼戚戚咁講，佢地2004年開業至今，從未做過任何宣傳，一直都靠口碑，連熟客亦不畀優惠，而我小曹聽聞佢投資三十萬美金，一年內已經迫衣焚。佢仲好拋咁同小曹講，由於呢個概念夠獨特同新穎，除將來會在歐美地方開竇外，亦正打算開拓神州孖屐，但發展步伐就好似雙普選同人民幣升值一樣，都是循序漸進咁話。

曹超人奮鬥史之勇闖白金套房

　　我小曹果然三生有幸，睇怕都要趁七月十四這個大吉利是日子去還神，何況今年閏七月，即是可還足兩次神先至到八月十五也。而我之所以深感三生有幸，事關最近識到一位從孔少林那個〈原是物語〉專欄走出來的真人版單身大長今，而佢並非一般單身大長今，而是Deep V大長今（鍾意買凌志的赤松可能會叫佢做「V型反彈大長今」）。上個禮拜日，我小曹陪DV大長今去IFC名店區，讓我歡喜讓我憂（即是拖着我小曹隻手去睇每件晚裝閒閒地都要三五七萬銀的華倫癲佬）之餘，更刻意不經意地更上一層樓，帶我見識到連卡佛的高級鐵竇。

　　此高級鐵竇名為Platinum Suite，直譯「白金套房」，專為連卡佛白金卡會員而設，全港四間連記只此一家，而且嚴拿白撞（事關鐵竇門口除有一位ABC地捫香蕉形美女對住閣下展示梨渦淺笑外，仲有一名貌似塔利班聖戰士的大樹菠蘿形壯男對住我小曹暴露連環殺手級凶光）。我小曹思疑，可能連記高層不想太多閒雜人等流浪貓狗（尤其財大氣粗到當正名牌旗艦店是冒牌雜架攤的自由人）知道有此鐵竇，所以特登安排如此隱蔽的露畸唇。須知道，IFC連卡佛家居部平時只得小貓三幾隻，而 Platinum Suite更設在家居部暗角處，該處仲有一條秘密通道通往四季酒店，不知者怕且都會以為PS是四季的一部分。

尊貴會員一年幫襯至少八萬銀

　　進入鐵竇者請先轉台，事關裏頭職員大都使出職業英語，不嘔出幾條雞腸恐怕難以顯出閣下卡士。一入侯門，番書妹妹就會送上一杯香檳加一碟士叻；所謂「送上」即免費，你仲可要求其他飲料（不過奉勸咪叫凍檸賓、熱呵力、荷蘭唂咕、清香奶水咁賴衣褲，最好叫Earl Grey）。我小曹趁DV大長今入更衣室試試剛才在外面點指兵兵點着的Miu Miu、Chloe、Pucci、Marni、Stella McCartney之際（全部不經己手，自有專人隨後送到鐵竇），就以劉姥姥入迪士尼樂園的姿態四圍望，發現此處除有好幾個似深灣遊艇會麻雀房的更衣室外，仲有一個由兩張三座位同兩張單座位梳化組成的客廳，而遠處則是一個由一張六人餐枱做主角的飯廳，以為自己正參觀禮頓山示範單位；我小曹鬼食泥一樣同自己講：「呢度居然有飯開？」，後面突傳來一把暖過暖水袋的超級女聲答：「我們呢度有提供早餐。」

　　呢把超級女聲來自一位貌似劉天蘭的個人形象指導。老翻劉天蘭跟手以熱過熱水壺的態度向我小曹介紹鐵竇的服務，包括免費set頭化妝、免費沖個涼等，最適合日理萬機的現代女性收工後去波前到此一遊。總之，佢地好樂意為尊貴會員提供免費個人形象指導，想變成《本能》裏面的莎朗史東又得，想變成《色慾都市》裏面的莎拉柏加都得，想變成《穿Prada的惡魔》裏面的梅麗史翠普亦得，得咗！

　　老翻劉天蘭令我小曹愈來愈願意相信人間有天堂。說時遲那時快，眼前突然乍現一位set了一個艾菲爾鐵塔頭的A貨柯德莉夏萍（即有點似甘草演員夏萍）的美女。女人果然善變，就連一向固執己見的DV大長今也未能倖免。我小曹自然與有榮焉，即時圈起手臂，好讓戴了恍如賬房專用長手套的DV大長今穿住，以金童玉女（似年輕版周啟邦伉儷）的姿態步出白金套房，果然惹來不少豔羨目光（你叫「驗屍目光」也無妨，視乎閣下品味而定）。行行重行行，我小曹就鼓起勇氣問一個鬱在心頭好久好狗的問題，就是點樣才可做到連記白金卡會員？「夏萍」就哦了一聲閒話一句，話只需每年在連記消費滿八萬元即可；我又哦了一聲，但我的哦是長哦。

　　有如此一個懷舊有錢女相伴，我小曹自然倍感自豪兼感覺良好，只是不免有少許擔心，等陣同佢一齊在Palace IFC睇《Crash》時，佢頭上那個艾菲爾鐵塔會否令後排的斯文敗類同佢合演實況版crash?!於是，當我摸黑入到戲院，就第一時間尋找發青光的「出路」……。