宜加麓湖golf club有任打嘅plan, 當然係driving range任打嘅喇，不過好似有送幾次3桿洞嘅...

如果多D人以公司嘅名義join呢個plan，7個人join可以去到6000/人/年... 每月500文，ok ar...

有冇人有興趣啊？  

突然發覺住淘金都幾好... 又靠山又靠水.. 都幾方便..  不過呢，最好住都係hk.. 全世界，最適閤華人，尤其係會講廣府話嘅華人，都係hk，當然最好係深水灣喇... 不過就得個想字咋.....

  ======================== 

前兩日(070713)，廣州嘅留學生商會組織免費去匯景新城高爾夫球俱樂部打左一個鐘golf, 當然都系driving range度打啦，匯景新城個場真係唔係好掂檔，完全係練習場，相對來講，麓湖就好得多，匯景新城仲要係咩中國十大豪宅之一，係淘金住嘅都會成日收到呢個樓盤嘅廣告，不過睇落就唔係咁咩遮。

當然啦，呢D活動，最重要係畀D member互相認識，睇下有冇咩商機嘅，不過我呢D small potato，所以就冇乜點傾。

不過我又唔係話咩嘅，認識到D太子女又點啊，始終自己要有利用價值先，同埋要有一個earn personal credit(reputation)嘅過程，所以好多野都係要自己整嘅，同埋我個人實在太唔夠圓滑同傲氣太重，得罪左唔少人嘅，當然，果D人都唔係可以令我發自內心咁敬佩嘅人，所以唯有靠自己先，下一步再睇下點啦。不過暫時我可以做嘅野唔多，都系要受制于人，所以的確會羨慕D有錢第二，三代嘅，起碼佢地起步會容易好多。

岔開講下車啦，因為去打golf冇車揸嘅話，的確幾咩，大家都知道果D人幾白鴿眼嘅啦，不過自己都暫時未買得車，屋企車都冇乜點揸，之前凈係5.1係祈福做左7日車夫咋，望左下車市，覺得最低都要Mazda6 2.3嘅旗艦版先至揸得放心D，同埋好想買Toyota既Mark X, 國產左之后叫做Reiz，因為呢架係30萬打下唯一嘅后驅車，不過係想要2.5既頂級版-跟車既原裝GPS, 雖然同入門版嘅BMW 320i 差左幾萬遮，不過自己都係喜歡日本車嘅可靠，同埋入門版BMW 320i，揸來都冇癮喇。 不過現在的確唔買得住，因為仲要養車嘎，仲有好多野...  如果以后有錢，去打golf揸lexus Rx400h, 見客用lexus Ls 600h，玩就要Porsche Cayman S，因為喜歡水平對置引擎同埋MR，整多架subaru Legacy 3.0R, 半夜出街買宵夜用Smart coupe，電動版更好.

sigh.. 唔係二世祖，冇個有錢老竇都仲可以咩都唔做，但係又可以維持有車有樓嘅生活的確唔係咁容易達到嘅，呢個凈係第一步咋... sigh..

That's the reality.

=====================

上兩個星期(200708)，去香港嘅時候順便去打左下golf, 個場真係好掂，要坐船去嘅，成個島仔都系球場，不過呢個唔係果D大孖沙打嘅場，只不過係一個公眾場，公眾場都咁靚，咁可以想像深水灣果D場係咩環境。當然，宜家好多大孖沙嘅主場去左深圳，不過果D場，只不過係傾生意嘅地方遮。

======================

(200709)又更新下，宜家暫時打得最多嘅記錄係一個星期打左3次driving range，結果就係手上嘅3個水泡，不過已經大概知道其中嘅竅門，知道點樣做可以打到good shot, 宜家要做嘅就係穩定同埋控制埋方向。

=======================

(200710) 前幾日終于自己去左麓湖練習場，之前係坐車去，去到咩都唔理，等打就得啦，不過自己去，咁就要行路去，好在淘金行到麓湖好近遮，跟著要自己開新卡，約球道，等終于開始打，已經用多左九個字，今次自己一口氣就打左3筐球，叫做ok咁咯，不過#7 iron仲係得120~140 yard左右，仲要係打得好果D先至有呢個距離，差果D就唔好提喇，動作仲係唔夠穩定，唔夠smooth，一心急用力仲反而打得仲差，遲下仲要練埋手腕延遲釋放，要等#7 iron可以穩定打到160 yard之后先至再練wood.

如果以后可以打到係PPC度玩嘅golf game入邊嘅成績就好喇。