自己好細個開始就好清楚自己會喜歡點樣嘅女仔，到左讀大學，要出國，最后都係留係廣州之后，就更加清晰。我覺得揾到一個同自己真係心靈契合，令自己覺得that's the one who was made by god for me既，可以係Life mate+Soul mate+Love mate+Sex mate都系同一個女仔既機會，真係仲細過宜家去殖民火星。我覺得由相識，相知，互相欣賞，有spark，有feel再到其他，真係一樣十分困難既事情。

所以自己一路對世間上九成嘅所謂愛情和婚姻都覺得係垃圾，只不過係一個兩人互相合作去解決係社會上爭取更多資源既途徑和手段，再加上人係群居動物，所以就互相利用或各取所需咁遮，真係有咩事既，大家都知係點啦，真係有咩感情咩。當然，自己亦都未遇到過真係可以令自己好欣賞既女仔，所以對住D普通女仔，心態都係playable or not, eatable or not, useable or not，當然，宜家仲未有資源去玩。

咁自己問返自己，究竟點樣嘅女仔先至會令自己欣賞，進而想了解對方甚至可能會喜歡，再加上一D spark，可能會愛呢？自己早就有左比較具體嘅條件，宜家copy&paste過來。

點解要咁呢，因為發覺自己就算對住果D係社會上好高評價既係國際外企做野既單身大長今，自己同佢地溝通唔到，價值觀差好多，果D單身大長今，都仲係開口就係，你係外國邊度嘅邊間U攞咩degree嘎？ 宜家做咩高層啊？份工幾錢啊，有咩allowance啊？ 唔理好丑，只要有豪宅同歐洲跑車就拋個身出來都得。佢地有無正確既價值觀先唔評論，不過佢地既思維和意識仲停留係必須要加入建制，依附係rules maker周圍做順民和助手，狐假虎威，做既得利益者，咁先至係世上唯一既生存方式，呢個亦都係佢地之前努力讀書既動力，佢地努力讀書既動力并不是對知識和世界既好奇和想改變世界。不過佢地真係好威既，亦都好多錢，但如果佢地無左份工，就咩都無。

所以自己對D一定要工作先至有飯食既女仔都係敬而遠之，所以自己都係欣賞一D同自己差不多背景既女仔，起碼由細就生活的比較舒服，咩都唔做都可以有比較體面既生活，但又唔係完全唔做野，個point係起碼有選擇可以咩都唔做。同埋知道心靈滿足比錢更重要，咁既人，多數會係中產知書家庭背景。 當然，亦都有例外既，不過例外既機會不大。

咁當然，由于中國既特殊情況，自小就生活得比較舒服既女仔，多數係有錢女，不過佢地多數既品德和家教就真係不敢恭維，真係有正確價值觀，會獨立思考，各方面都ok既，真係鳳毛麟角。

所以其實自己都好唔開心，覺得天對自己係好唔公平，點解唔係想認識到咩女仔就可以認識到遮，唔係話一定就喜歡，因為喜歡要好多其他因素，但真係可以俾自己知道真係有一群咁既女仔得嘎。再加上其他因素，自己對天的確係有D斗氣，所以脾氣真係好唔好。

但其實，自己係咁怪天係唔公平既，其實天早就俾自己認識到一個女仔，雖然唔係完美，不過都算係好ok啦，佢讀瑪莎，廣外，因為屋企太錫而唔想佢出國，最難得係內涵好過常見既太子女，會明白我既想法。不過自己一早就同佢set好左個game係點玩，所以... 但其實，大家都互相係掛住對方。直到一個偶然亦都係必然既機會，大家終于可以完全敞開心扉同對方講自己既內心感受，之后就一發不可收拾。

剛剛開始既時候，我仲可以好理性咁同佢分析，物質上，我宜家實在無能力娶佢，因為佢已經係住緊別墅，要娶佢，起碼要令佢生活質素唔下降，如果唔係會俾人講閑話。情感上，我都唔係全心欣賞和喜歡佢，唔想娶佢，但亦都唔想佢嫁。

就算係咁講左，呢個太子女竟然仲係對我毫不計較咁付出，其他就唔講，佢可以陪我成晚，第朝一齊食早餐，跟著就車我返屋企訓覺，佢就仲要返佢屋企既公司做成日野。同佢出街，都係揸佢既車，我就其他野都唔曬煩，當然我亦都有用屋企既車車佢上白云山睇煙花既。果段時間真係just too good to be true， 令我難以抗拒。

跟住自己良心都過唔去，決定去見佢家長啦，問題都不算太大，不過之后雖然大家都仲係咁，但始終真係感覺到現實既殘酷和壓力，再加上我同佢都係好高要求，好挑剔既人，所以就...  最后一次就係炒大鑊。當然，大部分問題都係我度，例如唔識得主動去關心和愛錫身邊既人，脾氣太大，自視甚高等... 不過自己又一直都真係好難發自內心咁真正去投入，因為始終后來同自己嘅憧憬有差別，所以咁既結局都系預料之中，不過唔係炒大鑊就好啦，咁就無左一個難得既知己，其實我開始真係凈係想要個幫得到手嘅知己咋，做咩係要咁遮。

真係好唏噓，不過最核心嘅問題就係，點解真係咁難認識到D自己想認識到既女仔呢? 係我有問題仲係成個社會有問題？所以有時真係覺得，人越平庸，越大眾化越好，因為容易揾到同類異性，人又係群居動物，so....